Í Miðvági er eru fleiri ídnaðarvirki. Her eru bilsmiðjur, handlar og aðrar tænastufyritøkur. Havnarviðurskiftini eru góð, og fiskivinna er ein av størru vinnugreinunum. Bæði útróður og langfaravinna.

Ferðavinnan er í menning, og góðir ferðamøguleikar eru í og kring bygdina.

Sagnir og søga knýta seg at Miðvági, og mentanin sum heild hevur altíð livað væl í bygdini. Í bygdini eru fleiri søvn. Nevnast kunnu fornminnissavnið í Kálvalíð og bygdarsavnið í Jansagerði, eins og Krígssavnið eisini er latið upp í Miðvági.

Hugnalig viðarlund er millum gamla og nýggja kirkjuumhvørvið.

Nógv er bygt í Miðvági seinnu árini, og bygdin er í støðugum vøkstri. Ferðamøguleikarnir eru góðir, og fólk ferðast eisini av bygdini til arbeiðis.

Áhugaverd støð:
Kálvalíð

Jansagerði

Krígssavnið

Miðvágs kirkja frá 1952

Viðarlundin og gamli kirkjugarðurin

Hýsisá við helluristingini hjá Mikkjali á Ryggi

Góðir útferðarmøguleikar

Miðvágur er partur av Vága kommunu